ههههههه نكت عايلة

المحابسي:حدا جارنا
جارهم :هيه نسكم حداهم
الجـوج :أو جاركم وين يسكن
االمحابسي :حدانا
الجـوج وأنتما في زوج وين تسكنوا
المحابسي : حدا بعضانا

راحد راح لطبيب باش ايخرجلو مسمار ادخل في رجلو
الطبيب :تسقاملك 500 دج
المريض بزّاف عندي غير خمسة وعشرين ألف -250 دج- همالا عوجهولي برك أو خليه

وحد أدا ولدو أو موتو باش ايحوسوا في نيويورك ،شاف ابنو ناطحة سحاب قالو بابا واش نوا هذا ،قالوا باباه مانعرف ؟ أمشاو شوية شاف قاراج كبير أنتاع السيارات بابا واش هذا ،مانعرف ياابني ،زاد شويا شاف مسبح بابا واش هذا الله أعلم ياابني ،أمبعد شويا شاف سوبر مارشي ضخم بابا واش هذا ؟،الأم باابني اسكت راك قلقت باباك بالأسئلة أنتاعك ، الأب خليه اسقسي راهو يتعلم

القاضي واش تخدم
المتهم : الصباح قاعد ولعشية نخدم أمعا خويا
القاضي أو خوك واش ايدير
المتهم الصباح خدام معايا أو لعشية قاعد

واحد الكلب قعد ينبح حتى ضرو راسو.....علاه..كان ينبح في واحد اطرش

................

-2- واحد الطلاب كان يهدر مع وحدة سمينة قالها 'اعطني الدراهم باش
نشري الخبز راني يومين ما كليتش' قاتلو' راني حاسداتك على لاطاي نتاعك
يرحم ابوك قولي شكون الطبيب اللي عطاك هدا الريجي ................

-3 حمار شاف خطيبته (حمارة)قالها"وقتاش نتزوجو يا حمارة" قاتلو"كي تريقل هدرتك يا واحد الحمار

................

-4 قالك واحد الجزار راح يخطب قالولو "لازم تدفع خمسة ملاين مهر قاللهم "علاش شحال للكيلو "

................

-5 زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير

................

6-واحد فنيان يخدم في حانوت تاع الدجاج يبيع الدجاج حي جات عندو وحدة و
قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها
2كيلو تنوض "

................

- 7 واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار

................

8-عربي وأمريكي وياباني حطوهم على جهاز كشف الكذب الياباني قال "احنا رانا
نفكرو نصنعو إنسان آليونستغناو عن البشر"فبدا الجهاز يسينيالي ...الامريكي
قال " احنا رانا نفكرو نسكنو فالمريخ " فبدا الجهاز يسينيالي ..العربي قال
" احنا رانا نفكرو.." وقبل ما يكمل هدرتو بدا الجهاز يسينيالي

................

9-قالك واحد في حياتوا ما راحش لعرس وهو انسان نية بزاف واحد النهار عرضوه
لعرس مطرطق يعني فور بزاف ايا في العرس مول dj كان داير الغنية نتع ( هو
السراق والله ما أنيا ) و كي كان المغني يقول هو السراق مول dj ينقص
للغنية والغاشي يعاود موراه والله ما أنيا المهم بقاو هكذاك حتى خلاصت
الغنية
السيد كي رجع للبلاد سقساوه صحابوا وش العرس مليح عجبك قالهم فور بزاف عجبني بصح
مول dj ما نعرف وش سرقولوا بايت يحلف فينا ....... ----------------
10- قالك واحد مسمار الدورو يموت عليه وحد النهار شرى حبة بنان ما فيهاش
التيكي قال للخضار اعطيني التيكي ندفعوا للكازورال

Razz